Jowai: U Phasmon Dkhar EM In-charge yong ka chnat CWD ka JHADC ong u waka Executive Committee dap ko dei sñiaw sarong wow pyntip wa ka JHADC toh kawi na ki Council wa ye u pynkreh hok yaka Scheme Special Assistant Grants (SAG) kawa wan lyngba ka sorkar bei.
Khana u wa ha u snem 2016-2017 da yoh poisa (Sanction) ki kamwa T. 33.57 klur wei i kaam wada pynkreh em ki hadooh 380 tylli haki thaw waphær waphær ka Ri-loom Jaiñtia katwa ka poisa wa da pynemkam toh 97.8%, da ong u i daw wym pu poi 100% ka poisa ye u man wa em i thut heini heitai tangwa daw man hi kawa jop.
Ha u 2017-2018 ka posa wa da yoh yoh toh T. 10.74 klur, ki kaam wada pynkreh toh 195 tylli heiwa ka poisa wada pynemkam toh 85.96%. Neibynta u snem 2018-2019 ka Council da yoh ko T. 16.72 klur, wei hajrong ini, u Phasmon da ong u wa kani toh kawa dang yoh wot, kamtæ i kreh ym pu em bha lai bait ki katwa ka poisa wa da pyndemkaam toh 16.39% hadooh u 2020.
Chooh chooh ong u wa i kreh dang lai ki kamjooh ka Scheme leh dang lai ko chakhmat wei ym em iwon iwon i thut heiyatoh waki Bill neibynta ki Contractor.
Yeini da klam u ynne ka sngi heipor wa pynche u hajrong i pynbaad ka BJP wa da em i pynemkaam bakla yaka Scheme SAG daka JHADC.
Da pynksan chooh chooh u hajrong ini deiwa ong, “Lyngba wa ye i u pynlai bait ya waroh kini ki Scheme, ka Council da yoh ko leh yaka khusnam wa da ye ko u pynlai bait hei rukom wa toh wei kattæ ka poisa leh da yoh i wei da dep pynemkam yaka,” ong u Phasmon.