Shillong: U Montri Rangbah ka jylla u Conrad K Sangma da kubur u wa em i duna poisa ha ka sorkar tangwa ym mut i wa ki kaam u sangeh ki namo wow pyndooh tulop ya ki wakreh.
Hawa yaklam wa kiwa pathai khubor ynne ka sngi, u Conrad da ong u wa ka sorkar hap chim ko i kitkhlieh wow su yeiwa pynlut da ka sorkar warim ka jylla tangwa ym mut ko wow pynbaad yeiyi yeiyi, neibhah toh i kaamram ka sorkar wow chim i kitkhlieh.
Da ong u wa em ki Bill kiwa sah nadooh u snem 2005, 2006 kiwa da slem bha wei ka sorkar hap chim ko i kitkhlieh wow pyndep yeini.
Da ong u wa hapyrdi i duna poisa, ym em i eh i khoo wa chem ka sorkar wow pyndep yei kaam.
Chooh chooh da ong u leh wa ha kini ki san næ ynru snem, da em i chah ah poisa na ka 14th Finance Commission wa i duna i yoh khrong dan nei khang tih mooyong ka NGT.
Da ong u wa ka sorkar da thooh laad ko kammon wow pynmih poisa rap boon ha kini i snem wow wan wei ka sorkar u kreh ko kamwa yahaap.
Discussion about this post