E FIR ki ar ngut ki khynthai hadien wa chah pynbaad wa pynbait ki yei bia kawi ka kynthai wa u Non-Tribal

Ar ngut ki kynthai kiwa na Tura da ujor FIR ki ha Araimile Police Station deiwa ong wa da chah dai sarom ki deiwa chah pynbaad ha ki bru kiwa da thoh cha ki Social Media heiyatoh wa i chong kurim wa u Non-Tribal.

Ha ka FIR wa da booh ha ka 14 tarik da ka Mebi R. Marak wa ka Sheila Ch. Sangma da ong wa ha Facebook Page “ACHIK HQ TURA” da pynbaad wei dai sarom ko ya ki deiwa ong wa emkti ki hei bia kawi ka kynthai wa man kam ka Garo (Tribal) wa uwi u bru wa man kam u Non-Tribal.

Kini ki ar ngut ha ka ujor da ong ki wym embynta ki wow pynchlur, wow pynbait næ yarap yow bia kini ki ar ngut. Da ong ki wa em hi ka Meeting wa da pynman ha Holy Cross, Tura yow yaklam ya ka tarik pynman bia tangwa ki ym em lai ki cha kani ka Meeting wei da tip hadien wa da chim yei rai da ki kur ki jait wa em heini.

Katkam ka FIR, da ong wa ini wa da thoh cha Facebook toh khlem da tip yeiwa sakhiat heiwa da pynbaad wa emkti kini ki ar ngut ki kynthai ha ini i kaam. Kiwa ujor da ong wa ini wa da mih ha Facebook da pynpoor ki da kiwa boon hadooh wa da chah dai sarom wei chah klam beiñ ki ha ki bru paidbah iwa da ktah hadooh yei long i man ki kam kiwa chong chnong wei da pyndik ko leh ya ka pyrkhat pyrdaiñ ki.

Related posts

Yap 8 ngut deilang ki khynnah hei ya tyrrah ka Bolero wa ka Truck

September 11, 2026

Ym em eh u psiah cha ka BJP lada pynhun ko yeiwa dawa nadooh u mooyong, ILP wa kiwi de, ong u MLA ka Mawsynram

September 11, 2026

Da kyntu ki leh ya ki pulit wow Register ki ya ka FIR pyrchah ya kiwa pynlai ya kani ka Facebook Page kamjooh kiwi kiwa da emkti ha ini i kaam wei wow pyndam noh ya ini wa da booh kamjooh wow pynchitom katkam ka aiñ ya kitu kiwa leh yeini.

Kini ki ar ngut da e ki leh ya ki Screenshot heiyatoh wa ini waroh.