Jowai: Ka Jaiñtia Students’ Union Mynsoo Unit, katkam ki kyntien na u President u Lawyer S. War, da e khublei kyrpang u ya u DM&HO Jaintia Hills u Dr. I. Tongper neibynta wa chimkhia u yeiwa da dawa ka seiñ neibynta ka PHC wa em ha kani ka chnong.
Kamwow pynkynmoo heini ka seiñ da jooh lai yachem ko wa ki DM&HO hei yatoh wa ka PHC Mynsoo wei khaddooh da lai ki ha ka 2 u Thohlakhmi (February) yow pynsñiaw yei eh i khoo wa tyngkhooh ki paidbah ha kani ka thaw sumar.
Hadien ini i yachem neiliang u Dr. I. Tongper da phah u ya u Doctor In-charge, ryngkat wa kiwa kreh wow sah noh ki ha ki Quarter wa da bhah ya ki, iwa man leh i kyrkhu wa khroo yaki paidbah ka chnong wa ka thaiñ waroh kawi neibhah lada em iwon iwon wa emkaam sumaar jhan ym emkaam de u li ki cha Jowai.
Ka seiñ da kyntu ko leh yaki paidbah ka chnong wow man ki kiwa yakrehlang yow yoh yei chait i khiah ha waroh ka chnong. Ya kani ka khubor da pyllait da u Publicity Secretary ka seiñ u C.B. Lamare.
Discussion about this post