Ka seiñ Pynbhalang Club, Sahsniang da pynsñiaw ko yei kmen wei e khublei ya u Riphaitki Saio uwa man u dkhot yong ka Club hajrong i yoh Takma Ksiar (Gold medal) u ha i yakob yakhun kti (65 Kg Below Armwrestling) ha ka 6th Meghalaya Games 2025.
Ka Club da ong ko wa ini i jop kdaw ko yei kreh chitom wei dohyap u Riphaitki, i wow man kam ka nongmuna wei ka wow e mynsien ya ki khynroo ki khyllood yong ka chnong wa ki marjan chnong u mih ki chakhmat wow chimbynta chooh ha ki kaam yalehke ryngkat i minot u poi cha ka thong wa chajrong yow man kiwa chong chnong kiwa ku chakhmat.
Chooh chooh da ong wa ngait i wa kam ini i jop yong oo lyngba kani ka Meghalaya Games ha Jowai daw pynkynmoo kyrpang ko ya ki para khynroo khyllood u yut jngai na ki myllien wa pynjæd pynsih yei rynyieñ manbru deiwa kiar nei drugs, i kyrni hei dih kiad wa kiwi de ki rukom im wa sih deiwa pynlai yumut wow tei wow pynman yei im wa bha yow pynku yei chait i khiah, i akor burom ha ka manbru longbru wa ha kiwi tawon ki kaam kiwa pynmiat yei im yong samen wa yaka imlang sahlang khamtam ha ki chnong kyndong.
Sa chisien ka Club da e khublei biang ko ya u Riphaitki Sayoo wa ya kiwi de kiwa yalehke kiwa rah burom ya ka Ri-loom Jaiñtia yong i hi waroh.
Kani man ko ka Wyrta na u Mandapoi Sungoh, President wa u Thiyo Lapasam, Secretary ka Pynbhalang Club, Sahsniang.
Discussion about this post