Jowai : Ka West Jaiñtia Association of Kickboxing lyngba ka khubor da e ngooh ko ya waroh kiwa chim bynta haka lympung yakop yalehke kickboxing haka 19th Meghalaya State Level Kickboxing Championship 2016 wada pynman daka MAKO ryngkat wa ka WJAK ha kani ka 6 wa 7 tarik uni u bnai ha Khimmusniang Indoor Hall Jowai.
Da e khublei ka WJAK leh ya ki official referee, judge, team coach ki tnat krehkaam waphær waphær kam ka JHADC kawa da e thaw sah, ka tnat DM&HO, ka ophis u SP wada pynbiang yaki kari nadooh ka 3 hadooh 9 tarik, u DSO wada pynbiang yaka Tatami (Mats), ka ophis u DC, ka DIPR, ka Home Guard and Civil Defence, ka dorbar chnong Khimmusniang wa kiwi kiwi.
Da e khublei kyrpang leh ya u Hameshaniah Suiam, Referee uwa man leh u Organising Secretary ka 19th MSLKC, ma Sardonyx Suchiang – chief judges, ka kong Lambha Daka Patlong, referee wa man leh kam ka judge, ma Nimainki Lyngdoh wa man kam u Referee wa u judge, u ma Hopewell Tyngkan, Judge bah Agmer Walt Wann wa kiwi kiwi.
Heijooh i por da sñiawngooh ka seiñ leh ya u ma R.K. Petrous Rymbai uwa da pyllai yei kaam baam wei dih nadooh wa sdang hadooh wakut. Khaddooh ka WJAK da e khublei ko ya waroh ki dkhot ka Organising Committee, kiwa yarap mon sñiawbha, ki guest ki invities wa kynthup ya waroh ki wym ye de u khoh pyrtuid.
Discussion about this post