Ka Central Agricultural University, Imphal, Manipur ynne da pynmih hukum ko deiwa pyrkhat yei thut i chong suk hapoh kani ka jylla wei da yoh leh yei kyrpaad na ki bei ki pa kiwa lai puræ kamjooh ki khlieh sorkar, kamtæ da chim ya ka rai ya kiwa lai puræ kiwa wan na baar ka Manipur yow ye ki wow pteiñ biang yei puræ yong ki hapoh ka College of Agrculture, Imphal waka College of Food Technology, Imphal.
Hapoh kani ka hukum, kiwa lai puræ Undergraduate ha waroh ar kini ki College neibynta u snem puræ 2020-21, 2021-22 wa 2022-23 wow pteiñ ki da ka Online Mode. Ya kitu kiwa leh ya ka Masters wa PhD Class ha ka College of Agriculture, Imphal leh daw hap noh ki wow leh da ka Online Instruction Mode.
Kiwa dang leh ya ka Rural Agriculture Work Experience (RAWE) yong ka 2020-21 Batch ka B.Sc Agriculture daw ye ki wow pteiñ ha jar jiar ki jylla ki.
Kiwa puræ M.Sc wa PhD ha ka College of Agriculture, Imphal kiwa da pyndep ya ka Course, daw pyndep ki ya ka Research yong ki ha ki College ka CAU/ICAR Institute/KVK wa em chajan ki næ ha kiwa em ha ki jylla yong ki deiwa ya pynbait wa ki Major Guide yong ki.
Kitu won kiwa da em hei bynta wow jan pynkut noh ya ki Thesis yong ki neibynta ka M.Sc næ Ph.D Degree ye ki wow pyndep noh næ wow pteiñ u thoh ya ka Thesis yong ki deiwa ya krehlang wa ki Guide yong ki yow ye ki wow pyndep ya ka Degree ki heipor wa biang.
Puræ leh: E laad ya kiwa yut na Manipur wow pyndep ki yei puræ Agri ha Kyrdemkulai: Conrad
Discussion about this post