theme-sticky-logo-alt
theme-logo-alt
Advertisement ad1
Advertisement ad1

E mynsien uwi na kiwa jop ya ka 1983 World Cup ya kiwa yaleh Cricket ka Meghalaya

Advertisement ad1
Advertisement ad1

I daw wa jop ka India pyrchah ya kiwa khlan bor bha kiwa yalehke Cricket ka West Indies ha ka 1983 World Cup toh i ngait ki ya idæ hanla yachem wa kiwa khor bha ka liang, da ong u Syed Kirmani uwa man leh kam uwi na kiwa yalehke ka India wa rah ya ka World Cup, hawa yaklam u wa ki khynroo khyllood wa yalehke Cricket ka Meghalaya ynne ka sngi.

U Kirmani uwa wan cha Shillong beibynta iwi hi i kaam, tangwa da lai yachem u wa ka Meghalaya Cricket Association ha madan Polo yow khana yeiwa da chem u heiwa da wan wow ap da kiwa yalehke ka MCA wa ki heh ka Shillong Cricket Association. Da yoh u leh yei thap kti hadien wa pynsñiaw u yei angnood wow embynta waka Meghalaya hei yaleh Cricket ha ki por wa daw wan.

Advertisement ad1

U Kirmani uwa man kam u Wicketkeeper ka India hawa jop ya ka World Cup ha England, da pdiang sñiawbha ya oo da u MCA Honorary Secretary, u Gideon Kharkongor deiwa emlang leh ki heh ka MCA waka SCA kam u Peter Macdonald Kharsawian, u Peter Jarman Lamare, u Saibal Dasgupta, u Dhrubajyoti Thakuria, u Dister Marbaniang, u Robert Dkhar wa kiwi kiwi de.

Hawa klam hakhmat kiwa yalehke, u Kirmani uwa da yaleh ha ki 88 tylli ki Test ya ka India, da ong u wa hawa yaleh ha u 1983 pyrchah ya kiwa yalehke wa da naam ka West Indies kam u Malcolm Marshall, u Viv Richards wa u Michael Holding, da emkaam ya ka India wym toh u tieñ wei wow burom ware ya kiwa yaleh pyrchah.

“Hap phi wow ngait yei sap wa em phi wa i bor yong phi wei ym toh u tieñ neibhah ini da man ko wow poi chiteiñ luti i jop,” da ong Kirmani, deiwa ban joor leh yei emkaam wow pynpliah ya idæ man-ka-sngi la ha ka Cricket næ ka puræ puthi. “Kynmmoo wa ym em uwi leh uwa pliah nadong chadong. Hap u stat neiwa bakla wei ym toh u tieñ lada ym poi thong.”

Da kyntu u leh ya ki khynroo khyllood wow pynneh pynsah yei mynsien ka Cricket wei da kmen u wow tip wa ka Meghalaya ini wadep da yoh wa ar ko ha ka Plate Group ka Syed Mushtaq Ali Trophy T20 Tournament, deiwa ong wa man i iwa bha waka BCCI da kyruiñ ko cha kani ka thaaiñ yow wanrah ya waroh hapoh ka chatri yong ka.

U Kirmani da pynlut por u leh wow jubab yeiwa kylli kiwa da ya emlang kamjooh yow a chondur lang wei wow soi yei pyrtuid yong oo.

Share this:
Previous
Cherry Blossom Festival 2019

Pynksan u Conrad yei pynman tamasa ka sorkar hajrong i duna ka poisa tangka

Next

Chah khut uwa kawang bol ka Meghalaya ha ka Mumbai Indians