Ka sorkar Meghalaya ynne da pyntip ko wa da e por ko sa 45 sngi ya ki le tylli ki Regional Committee yow phah ki ya ka Report yong ki, wei ini toh iwa da pyntip da u Chief Secretary ka sorkar Meghalaya.
Kam wow pynkynmoo wa ha u Naikhynde 2022, ka sorkar da pynbna ko ya ki le tylli ki Regional Committee neibynta ka Ri-Bhoi, West Khasi Hills wa West Jaiñtia Hills District yow pynbait ya u pood ha kani ka wat wa ar wei da e por ya ki 45 sngi wow phah yaka Report tangwa kini ki 45 sngi da kut noh ki.
I pynbait pood ha kani ka wat wa ar toh neibynta ki thaw wa em i ya kajia pood ha Langpih, West Khasi Hills District, ha Borduar, Nongwah-Mawtamur, Deshdoomreah, Block-II kiwa haap hapoh Ri-Bhoi District wa ka Block-I, Psiar-Khanduli kiwa em hapoh ka West Jaiñtia Hills District.
Kam wow pynkynmoo wa ynnin ka yung bichaar da pynsangeh ko leh yei pynkrehkaam yaka soskular wa da soi neibynta ka wat wa nyngkong tangwa ya kani ka wat wa ar won ym em ong ko iyi iyi leh.
Puræ leh: Pynsangeh ka Meghalaya High Court yaka soskular pynbait pood wa dadep soi
Puræ leh: Pynbna ka sorkar ya ki Regional Committee thymme yow pynbait pood; 45 sngi e por u pyndep
