E sñiawbha u manpa ya ki thaw wa chongdor Rs. 4 klur cha ka Mandir hadien wa chah iehbieñ ha ki khon

Uwi u manpa uwa man leh u chipai wa da chong-ngiah uwa em 65 snem i rta uwa tip kam u S. Vijayan, da e sñiawbha u ya i thaw wa Rs. 4 klur cha ka Arulmigu Renugambal Amman Mandir wa em ha Tiruvannamalai District ka Tamil Nadu hadien wa chah iehbeiñ ha ki khon.

Da ong u wa ki khon u da iehbeiñ ki oo kamtæ da rai u wow leh kamni.

U Vijayan uwa na Kesavapuram hajan Arani da yaphær u wa ki khon u heiyatoh wa i rap pateiñ ya ki thaw u wei kat dang mih ki sngi dang joor i jngai wei iehbeiñ ki oo.

Hajrong ini nei sñiawsih da rah u ya ki kot thaw heiwa iwi wa Rs. 3 klur wa iwi won Rs. 1 klur cha i Mandir wow e sñiawbha ya ki wei hadien ini kiwa ha-yung yong oo da thooh laad ki kammon wow yoh biang ya kini ki thaw.

Ha ka 24 tarik heipor wa ñiaw ya ka poisa wa da yoh sñiawbha (Donation) ka Mandir, da khyrngiat kiwa kreh wow yoo ya ki kot thaw heiwa katkam ka Hindu Religious and Charitable Endowments (HR&CE) Department da chem leh ya ka chithi wa da e sñiawbha ya kini ki thaw.

U Executive Officer ka Mandir, u M. Silambarasan, da ong u wa kani toh ka sien wa nyngkong wa jia kamni wei da pynche u wa hawa booh ya ki kot ki sla ha i thaw e sñiawbha ym pynman i ya ka Mandir wow mantre ya ki thaw wei emkaam wow Register yeini i e sñiawbha khnang wow man iwa da kdoh da ka aiñ.

Related posts

Suba yap 3 ngut nei oor ka krem mooyong ha Thangskoo, dang phah takit: Prestone

December 8, 2025

E kti u Conrad ya ka School Bus ya ka Khliehriat Higher Secondary School

December 8, 2025

Katkam wa man katni kini ki kot em ki ha ka HR&CE Department, wei dang yang ya ka rai na ki heh neibhah ym ye wow pynuiñ ya ki lym bood ya ki kyndon ka aiñ.

U Vijayan da klam che u leh wa daw Register noh u ya kini ki thaw hei pyrtuid ka Mandir wei ym randien u neini i rai.