Shillong: U Montri ka tnat rep i riang ka jylla u Banteidor Lyngdoh da ong u wa ka tnat rep ka jylla da pynkrehkaam ko hadooh 20 tylli ki Scheme wow pynku ya ka rep ka riang ha ka jylla.
Hawa jubab yeiwa kylli u MLA ka Mawphlang u SK Sunn ynne ka sngi, u Banteidor da ong u wa ya kini ki Scheme da pyman ya kiwa boon ki yalang pynsñiawthooh paidbah chaphang kini ki Scheme.
Kini ki Scheme kynthup ki ya ki saam symbe, wow thooh bniah yei rukom man i khyndaw, u chna sboh deiwa e ka rymaw, i saam Pump um, ka poisa Insurance wow yada ya ki mar rep na i bor ka rymaw wa kiwi kiwi.
Hajrong i kylli wa lada em i chah ktah yei pynmih khoo pynmih mar rep ha kini ki snem neidaw wa kylla ka rymaw, u Montri Rangbah u Conrad K Sangma da yieñ u wow yarap ya u montri deiwa ong, katkam wa tip ka sorkar ym em iwon iwon i ktah neibhah dang ku i pynmih ya ki mar rep ha kini ki snem.
Discussion about this post