U Marki Mulieh uwa man kam u kyrtong MDC ka UDP na ka 18-Jowai North Constituency hawa klam yalap Election ha Mookyrdup, Jowai ha ka miet ka 7 tarik, da ong u wa katni da em ki Party wa kwah wow pyndooh ya ki District Council, u pyndooh pyndam ya ka ktien Jaiñtia hadooh wow pyndooh yei e jait cha ki kynthai.
Da ong u wa ini toh iwa maa neibhah ya i da tipmit kam kiwa e jait cha ki kynthai wei yeini da tipmit leh da ka aiñ. Wei iwa emkaam toh wow thooh bniah wow pynjanai ya ini.
Da ong u wa kamwa man katni da em leh kiwa da chna aiñ na Delhi yow lait noh u paan bor na ka District Council hawa wan ki Company wa heh wow booh ya ki Industrial Estate heiwa i e bor u wan bait ko na Delhi deiwa e nongmuna u yeini yei wanrah ya ka aiñ Forest Conservation Act 2023 heiwa ym em chong pyrkhat ki 30 ngut ki MDC yow pait ya ki kyndon kani ka aiñ neibhah da em i e bor cha ka sorkar India wow e bor ko neibynta ki chipai, ki Project wa emkaam ki wow booh wei kam ki tre thaw leh ym ye ki wow pyrchah.
“Manda poi itæ i por ka District Council wa kamjooh ka Sixth Schedule man ko kawa da yap wei lada kam kiwa mihkhmat tlot ki, chisien ka sngi ka District Council daw dooh daw dam ko,” da ong u Marki.
Discussion about this post