Emkaam wow chimbynta ki paidbah wow pyntikna wa ki hajar klur wa e ka sorkar pyrdi pynemkaam hok ya ka: Rajnath Singh

Shillong: U montri ka sorkar pyrdi ka tnat kaam pohyung, u Rajnath Singh da phah u ya waroh ki jylla ka thaiñ mihsngi wow pyndep noh ki ya ki kaam wa dang sah heipor wa biang kiwa wan naka North Eastern Council (NEC) wei wow pynemkaam hok ya ka poisa. Yeini da ong u ha ka 67th Plenary Session ka NEC wa pynman ynne ka sngi ha Shillong.

Da ong u waka poisa wa yarap ka sorkar pyrdi kawa kynjoh hadooh T. 4,500 Klur toh kawa da mang wow pynku kyrdan ya ki thaw wa emkaam yarap wei emkaam leh ki seiñ wa boon wow boodien ki ya kini ki kaam yow pyntikna wa ka poisa ym sepai ko.

“Ki Social Audit toh kiwa ye wow wanrah ya i khooid i jngiar hei rukom pynemkaam ya ka poisa kamtæ emkaam wa waroh wow embynta lang ki yow pyntikna wa ya ki kaam ye u pyndep katkam wa da mang,” da ong u Rajnath Singh.

Da ong u leh wa sñiawsuk u wow yoo wa cha kani ka thaaiñ wa da em ka chongsuk chongsaiñ katni, heiwa katni ki kaam pyrchah ri wa sdang da ki seiñ kieñ suloi da duna ki hadooh 85% wei 96% da duna i dooh yei mynsien ki paidbah kamjooh kiwa yada ya ka aiñ.

Related posts

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

La 95% da ye u pyndep kreh ka Scheme saam um ka Mihmyntdu wa chongdor Rs. 32 klur

November 9, 2024

Da pynchlur u leh ya waroh ki jylla ka thaiñ mihsngi wow chna ki ya ka rynsan heiwa ki khynroo khyllood kiwa kwah wow seiñ khih yow yoh ki yei pynchlur yow ye leh ki u e kreh ya kiwi.

“Ka Union Cabinet, ha u Wisu (March) 2018, da mynjur ko wow sdang ya ka North East Industrial Development Scheme (NEIDS), 2017 heiwa ka mang poisa da poi ko T. 3,000 Klur hadooh u Wisu (March), 2020. Ka sorkar daw yarap ko leh yeiwa emkaam wow pyntikna wa kani ka poisa daw wanrah ko yei yoh kaam ki paidbah kani ka thaaiñ,” da ong u Rajnath.

Neiliang u Union Minister of State (Independent Charge) for Development of North Eastern Region (DoNER), MoS PMO, Personnel/ DoPT, Public Grievances & Pensions, Atomic Energy and Space, Dr. Jitendra Singh, uwa man leh kam u Vice-Chairman ka NEC, hei klam yong oo da khana u yei parom ka NEC nadooh wa sdang deiwa pyntip wa na ki 116 tylli ki District wa em hapoh ka ri kiwa kwah wow em ka NEC, 14 District toh kiwa da pynkrehkaam ha ki thaaiñ mihsngi.

U Singh da ong u leh waka DoNER Ministry, da sdang ko ya ka ‘North East Calling’ waka ‘Destination North East’ ha kiwa boon ki bynta ka ri yow wanrah smat ko ya ka roi ka paar wei da chna leh ya ki Hostel neibynta kiwa wan puræ na ki jylla ka thaaiñ mihsngi ha New Delhi, ha Dwarka wa ha Rohini wei da chna leh ha Bengaluru neibhah wa man ko kawa emkaam katkam wa man katni.