Shillong: Kiwa ha yung yong ka khynnah kawa dang 14 snem na Mawmaram kawa em hapyrdi i chah sumaar hadien wa lait ko na ki tyrsim u damok, u Jansing Rani uwa thmu wow slaitbor ya ka, da dawa ki wow pynchitom ya uni u damok deiwa khor bha.
“Ym kwah i wa uni u damok u lait suk u khlem chah pynchitom wei ym elaad i leh wow yoh jamin u na ka yung kasari,” da ong kawi na kiwa hayung kani ka khynnah hei chrai.
Heipor wa lai booddien ki kattu katni kiwa pathai khubor yei man i long kani ka khynnah da pyntip wa da ware ko syndet syndet ynne i janmiet.
Katkam ka yutip wa tikna wa da yoh da ong wa kani ka khynnah da khlaad noh ko heipor kamwa 9:00 waje ynne i miet ha Woodland Hospital, Shillong.
Kiwa ha yung ha sem da pynsiaw ki yei mynsien wa sniawsih yei chem chitom yong ki neibhah man ki kiwa dooh wa duk deiwa ong wa ki man ki ki warep.
Katwa neiliang u Superintendent of Police (City) u Steve Rynjah da ong u wa ka takit hajrong kani ka kaam dang lai ko cha khmat wei ym map ya uwa emkti.
Also Read: Da u wakhu chah dat ka khynnah wa 14 snem na khlieh ha uwa thmu wow slaitbor ya ka
Discussion about this post