Shillong: U Montri Rangbah ka jylla, u Conrad K Sangma da pynsñiaw u yei mynsien wa khia hadien wa duna kiwa lait ha ka Result SSLC wa dang pynbna ha kini ki sngi da ka Meghalaya Board of School Education (MBOSE).
Kam wow kdaw heini da em du 50.31% ki khynnah kiwa lait wei em leh palat 10 tylli ki skur kiwa ym em kiwa lait ha ka Exam yong ki.
U Conrad da ong u wa ka sorkar da yaklam yillu ko hajrong ini wa ka chnat i puræ puthi, wei da emkaam wow pynbha ya i puræ puthi nadooh ki Class kiwa khian, wei neiliang ka chnat wa ki Deputy Commissioner da rai ki wow tipmit ya kam kini ki skur kiwa duna kiwa lait khnang wow ye u yarap ya ki khamtam wow pyndep ya ki lynnong ha i por wa biang.
