Emkaam wow ya tip markylliang nadooh dang khian yow yatylli ka ri: Conrad

U Montri Rangbah ka jylla, u Conrad K. Sangma ynne da ong u wa ka thaaiñ mihsngi da ye ko wow jop ya kiwa boon ki eh i khor wei da embynta bha ko ha ki kaam wow pynku ya ka ri. 

Yeini da ong u Conrad ha ka yalang Purvottar Swabhiman Utsav ha Guwahati hajrong ka phang ‘Measures to promote greater integration of Northeast Region with National Mainstream’.

Da ong u wa ha ki rukom e sikai wa ki thup e sikai ha kylleiñ ka ri duna bha i thoh ki hajrong ki khlawait wa da yakhun laitlooid wei hajrong ini ka sorkar India ban joor ko wow khana ya ka parom ki khla ka wait na ka thaaiñ mihsngi. 

Da ong u wa dang boon ki bynta wow kynthup ha ki thup e sikai wei ini daw pynyatylli i ya ka ri waroh kawi. Da ban joor u deiwa ong wa ki khynnah nadooh dang khian i rta toh u tip markylliang ki khnang wow tip ki iwi ya iwi wa i rukom im ki. 

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da khana u ya iwa chem u ha ka Holocaust Museum ha Israel heiwa ka sorkar khana ko ya ki khynnah wa wan cha ka wow tip ki kammon ki Jew da maad ki wei kammon pynchlur ko ya ki khynnah wa ka pateiñ wow maya ri.  

Da ong u wa ka thaaiñ mihsngi toh kawa mahajon ki mar poh-khyndaw wei man ko ka luti wow lai cha ki ri Southeast Asia, deiwa ban joor wa emkaam i yei pynyabi khnang wow jan ka thaaiñ mihsngi wa ki ri ha cha thaaiñ mihsngi. 

Chooh chooh da ong u wa i pynyabi ya ki thaw da ki lieñsuiñ ha ki jylla ka thaaiñ mihsngi wa ka ri wa ka pyrthai daw yarap bha i wow pynku ya ki kaam uiñke suwari.

U Conrad da ban joor u leh ya i yajan ki jylla ka thaaiñ wa kiwi ki thaw ka ri deiwa ong wa man iwa kongsan wow pynku ya ka khayi pateiñ khamtam deiwa em ka Act East Policy ka ri. 

Hajrong i wow tip ki paidbah ka thaaiñ mihsngi ya kiwi ki jaitbru ha kylleiñ ka ri, neiliang u Conrad da ban u deiwa ong wa ym du ki paidbah, emkaam leh ya ki bru na ka thaaiñ wow tip chaphang i rukom im ki paidbah cha kiwi ki bynta ka ri. 

Da ban joor u leh ya ki MP na kylleiñ ka ri wow wan cha ka thaaiñ yeiwa yoo ki lyngba i chah riñ dur wei dei wan yong ki daw tip tre ki yei rukom im ki jaitbru ka thaaiñ. 

Heijooh i por da ban u ya ka thong u Montri Rangbahdooh ka ri, u Narendra Modi wow phah ya ki Montri wow wan cha ka thaaiñ mihsngi neibhah wa man iwa kongsan khnang wow pait yei pynkreh ya ki Scheme ka sorkar pyrdi neibynta ki paidbah.