Shillong: Kiwa yahkhmat ka Co-ordination Committee on International Border (CCIB) da lai ki wow e khublei ya u Chief Executive Member (CEM) ka KHADC neidaw wa chim khia u wow kyrchaan ya i dawa ka CCIB wow pynbait bha ya u pood u ang hapyrdi ka India waka Bangladesh.
Hawa yaklam wa kiwa thoh khubor u Chairman ka CCIB, u Sukkynjai Myrchiang da pynsniaw u yei sniawngooh ya ka Executive Committee ka KHADC kawa yahkhamt da u HS Shylla hajrong wa chimkhia wow ap u sñiaw yei dawa ka CCIB wow thoh cha ka sorkar chadooh ka UNO hajrong i dooh ya ki thaw na i ker sainar khlem da pynbait ya u pood u ang wa biang, heijooh i por da pynsnaiw wa ka CCIB e khublei ko leh ya ka MDC na Nongshken, ka Grace Mary Kharpuri kawa da wanrah ya ki phang yatai hajrong i ker sainar ha ka dorbar tlang wa dang dep pynman yong ka Council.
Kiwa yahkhmat ka CCIB da pyntip ki wa ki thaw wa haap hapoh ka KHADC kawa em ha khappood wa ka Bangladesh sdang ko nadoooh Nongjri chadooh Umsyiem kawa jngai wa jrong kamwa 40 hadooh 45 Km.
Neiliang u General Secretary ka CCIB, u Kmen Myrchiang da pyntip u wa u CEM da kular wa ha ka 17 tarik uni u bnai wow lai sakhi u dei khmat yong oo deilang wa kiwa yahkhmat ka CCIB cha khappood nadooh Nongjri hadooh Dawki.
Da ong u wa ka ker sainar kawa dang sah ha ki thaw wa pyrchah dang em sa kamwa 93 Km, wei heijooh i por da pynsniaw wa da em ki tre thaw kiwa da kohngooh wow chah won ker sainar chieh du neidaw wa chah pyntieñ ki wei chah pynbiej.
U Kmen da ong u wa i pynkhreh wow ker sainar ya kini ki thaw da lai ki cha khmat hanlada ka KHADC ym em e NOC ko.
“I wow lai u CEM wow sylli ya kani ka kaam ha khappood man i iwa emkaam neibhah ka Company National Building Construction Corporation da yoh ko wow pynkreh ya ini i kaam tangwa da e Sub-Contract cha ka Dhar Construction wow pyndep ya ini i kaam wow ker sainar wei da man i iwa lai cha khmat.,” da ong u.
Discussion about this post