Katkam wa ngait ki Hindu hei rukom im deiwa bood ya ka Sanatan Dharm, ka masi toh kawa kheiñ kyntang bha wei da thoh leh yeini wa man kordor ko ha ki kot niam kam ka Veda, Upanishad wa Purana wa ka ymtoh du kam ka mrad tangwa ka bei.
Kamtæ hajrong ini daw pynman ya ka yakhih Gau Pratishtha Andolan ha waroh kawi ka ri yow pynku kyrdan ka kam ka ‘Rashtra Mata’ namo ka bei ka ri yow booh ya ka masi hapoh ka Constitution ka ri yow pynman ya ka India kamwa da lait nei choh doh masi.
Kamtæ ka Jyotish Peethadheeshwar Shankaracharya Avimukteshwarandah kawa da mut wow wan cha Shillong ynne yow yaklam wa kiwa thoh khubor, daw pynyeiñ ko ya ka Gau Dhwaj (lama masi) yow dawa pynbna ya ka masi kam ka Mother of the Nation ha Shillong ha ka 02-10-24.
Da ong ki leh wa ini ymtoh iwa dang ini tangwa da dawa nadooh i por wa yoh laitlooid ka ri heiwa ha u snem 1966 da em ka yakhih Gau Raksha Andolan wa yahkhmat da ka Dharma Samrat Yatichakrachudamani Pujya Karpatri Ji Maharaj.
Yow pynim biang ya kani ka yakhih, ya uni u snem da pynbna kam ka Gau Samvatsar (Year of the Cow) wei nadooh ka 13 hadooh ka 28 tarik u March, 2024 da dep pynman yei lai kjat (Yatra) na Govardhan cha Delhi.
Da pyntip leh wa kani ka Gau Dhwaj Sthapana Bharat Yatra toh kawa daw sdang nadooh ka 22 tarik uni u bnai hadooh ka 26 tarik u bnai wow wan ha waroh ki nongbah ki jylla heiwa daw booh leh ya ka Gau Dhwaj.
Ha Shillong daw wan poi u Jagadguru Shankaracharya hei janmiet ka 1 tarik u Naichiphaw wei ha ka 2 tarik won daw pynyieñ u ya ka Gau Dhwaj wei daw e u yei klam chwa wow pteiñ u yei luti cha West Bengal.
Manda dep u pynman ya kani ka Yatra, daw pynman won ya ka Gau Pratishtha Mahasammelan kam chibynta ka Gopashtami ha Delhi ha ka 7, 8 wa 9 tarik u Khonchonglad (Nov), yow pynbor ya ka sorkar India yow khang noh yei choh doh masi wei wow burom ya ka masi kam ka Rashtra Mata.
Discussion about this post