Ha ka ar tarik u lai pait bniah ka KHADC ya ki kaam ka AMD ha thaaiñ Wahkaji-Mawthabah

Shillong: Ka Executive Committee ka Khasi Hills Autonomous District Council (KHADC) daw lai pait ko ya ka thaaiñ Wahkaji-Mawthabah ha ka 2 tarik u bnai wow wan wow yoo da ki khmat ya ki kaam ka Atomic Minerals Directorate (AMD), da pyntip u CEM ka Council, u HS Shylla.

U CEM da pynsñiaw u yei pyrchah joor ya i leh be-aiñ ka AMD wow siam ya u mar pohkhyndaw Uranium ha ka thaaiñ Wahkaji-Mawthabah ha South West Khasi Hills khlem yohbor na ka KHADC wa ka sorkar jylla.

“Ka AMD da lai lait ko ya ka KHADC wei ya ka sorkar jyla, kattu da lai ki hei pyrtuid ka Public Health Engineering (PHE) deiwa e daw wa lai siam um ko,” da ong u Shylla ynne ka sngi.

U Shylla da ong u wa ka KHADC da thoh ko cha u montri sorkar pyrdi wa pait ya ka tnat DoNER, u Jitendra Singh wow phah sangeh ya kiwon kiwon ki kaam wa thmu wow tih Uranium, wei wow khang ya ini i thmu.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“Tangwa neiyi i daw wa dang pteiñ ya ki kaam,” da kylli u Shylla deiwa pynrap wa wot ka sorkar warim hapoh i yahkhmat u Dr. Mukul Sangma ka da dep klam che ya ka UCIL wa ymhoi u leh ko kiwon kiwon ki kaam ha kini ki thaw.

“Ka AMD da lai lait ko ya ka KHADC wa ya ka hukum yong ka sorkar deiwa pteiñ wow tia cha ka thaaiñ South West Khasi Hills wa em u marpoh khyndaw Uranium,” da pynrap u Shylla.

(Feature Image-For Representational Purpose)

Also Read: Ym chah ka sorkar jylla wow tih ya u Uranium: Dr. Mukul