October 26, 2017

Ha ka BJP ym du ki Montri tangwa wot ki khon ki leh toh kiwa baamtooh: Ronnie V. Lyngdoh

Shillong: U Montri ka sorkar jylla, u Ronnie V. Lyngdoh da beiñ joor u ya i klam u Hayithung Bill Lotha uwa da ong wa u Dr. Mukul toh u Montri Rangbah wa baamtooh tam hapoh ka ri heiwa u Ronnie da ong u wa ka BJP mylliñ ko wa ki jylla wa synchaar ko kam ha Maharashtra, Chattisgarh, Madhya Pradesh ki Montri yong ka toh kiwa emkti hei baamtooh wa chyrkhei.

Da ong u wa ha ka BJP ym du ki Montri kiwa emkti hei baamtooh tangwa wot hadooh ki khon yong ki leh emkti ki hei wow baamtooh.

Da pynbaad u wa ka BJP da leh embor ko wot ha ka jylla Manipur heiwa ym em de u burom ko ya ka rai ki paidbah deiwa knieh yabor ko ya i synchaar ha kani ka jylla.

Da kam u wa ka Congress da yoh ko boon ki MLA bar ya ka BJP wei da khut ya ka wow chna sorkar, tangwa ka BJP da leh ko da ki buit poh yong ka wow yooh yei sñiaw ki paidbah du wow yoh u chna sorkar.

Chooh chooh da ong u wa ka BJP da kular ko leh wow e khih ya hadooh 2 klur ngut ki khynroo khyllood tangwa hadooh katni la katwon ngut wa yoh khih nadooh wa synchaar ka BJP?