Ha ka JHADC ujor ka Youth Wing ka Ladrymbai Dongwah pyrchah ya u Waheh Chnong wa u Dolloi ka Elaka Rymbai

Jowai: Ka Youth Wing ka Ladrymbai Dongwah ynne da ujor ki cha u CEM ka JHADC pyrchah ya u Dolloi ka Elaka Rymbai u Elious Swer wa u Waheh Chnong wa thymme ka Ladrymbai Dongwah u Shanbor Suja.

Ha ka ujor, ka seiñ da ong ko wa kini ki arngut da lehbor ki deiwa wanlang ki wa ki pulit cha ka yalang General Meeting ka chnong ha ka 31-10-17.

Ya kani ka yalang da khut da ka Executive Body ka chnong hei thmu wow pynche paidbah katkam ka aiñ ka JHADC yei kreh wa da dep pynkreh ha ka chnong, ki kaam poisa wa kiwi kiwi ki kaam chwa wow ye u Sanad ya u Waheh Chnong.

Ka seiñ da ong ko wa ha ka yalang u Waheh Chnong wa u Dolloi kiwa wan lang wa ki pulit toh wa thmu ki wow pyntieñ ya ki paidbah wei u Waheh Chnong da leh bor u deiwa pynman u pynda oo ya oo hi kam u Chairman ha kani ka yalang nalor wa da em chwa u Chairman wa da thung da ka Dorbar Chnong.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

“U Waheh Chnong da leh bor u neibhah tang ka Sanad leh ympu em yoh u naka JHADC wei da pynbor u leh ya ki paidbah wow jied ya ki dkhot ka Member Executive Body yow yoh Sanad u tangwa kiwa chong chnong kwah chwa ki u sñiaw yei pynche hei yatoh wa ki kaam chnong waroh, kamtæ ini i leh u da wanrah ko ya ka kynrum kynram hapoh ka chnong ka thaw.” Da ong u President ka seiñ u M. Biam.

Da pyntip leh wa u Suja da jop u kam u Waheh Chnong nadooh ka 23-09-17 wei hadooh katni leh ympu em yoh Sanad u neibhah wym ye u pyndep ya ki kaam wa phah ka District Council ya oo.

Kamtæ da kyrpaad na u CEM wow pynman Election wa thymme noh hapoh ka chnong.

Also Read: Deiwa thap Vote pynthymme biang ka Ladrymbai ya u Waheh Chnong warim yong ka