Shillong: U HS Shylla da kynmoo u ya ki kyntien u wa yahkhmat warim ka jylla u BB Lyngdoh wa ong wa ha ka saiñ hima ym em i yamaya lok i wow neh yanom. Yeini da ong u Shylla hadien wa da lai kyrchaan u ya ka Executive Committee ka People Democratic Forum (PDF) kawa da yahkhmat u Pynshngain N Syiem ha KHADC.
U Shylla toh uwi na ki MDC wa yieñ yania bha wa u Pynshngain ha ka dorbar kawa dang dep man heiyatoh wa ki kaam baamtooh, tangwa da ong u wa da lai kyrchaan u ya ka PDF hapoh i yahkhmat u Pynshngain toh neidaw wa pynbor ki paidbah ya oo.
Katkam i ong u Shylla, i daw wa leh u yeini toh wa pynbor ki paidbah ya oo wow leh yeini wei da e kse u leh wa daw yaleh u ya ka Election 2018 na ka PDF.
Da ong u leh wa i mih ka UDP wa ka HSPDP na ka PDF kiwa da em chirup waroh chi kattu toh neidaw wa u president ka HSPDP u Ardent M. Basaiawmoit da tieñ ware u ya oo wei ini da chynna mar ya psiah u Shylla cha ka PDF mih wot ka HSPDP.
Discussion about this post