15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ha ka yalang pynkhreh dap 50 snem ka jylla da rai wow chna ya ka State Logo wa i sur ka jylla

Ka yalang wa nyngkong dooh yong ka Committee for the 50th Anniversary Celebration of Meghalaya’s Statehood da pynman ya ka ynne ka sngi ha Yojana Bhavan, Shillong.

Heiwa ka Information and Public Relations Department da ekti ya ka wow pyrkhat ya ki programme wa daw leh ha i lehkmen wa chi snem lynter chwa wow poi ko cha wakut i dap 50 snem ka jylla ha ka 21 Duyatra 2022.

Da em leh chiboon i tyrwa na ki dkhot ka Committee kiwa kynthup ya ki heh saiñ hima, ki bru chemphang, ki sahep wa kiwi kiwi.

Neiliang u montri rangbah ka jylla, u Conrad Sangma da ong u wa i daw wow lehkmen ya i dap 50 snem toh wow pynkynmoo ya ki paidbah ka jylla khamtam ki khynnah heiwa kammon da yoh ya ka jylla wa kamjooh leh ka luti wa lai ki waheh kiwa yakhun wow yoh ya ka jylla.

Da ong u wa ka ri daw dap ko 75 snem ha u 2022 kamtæ emkaam wow lehkmen chirup ya ka ri wa ka jylla kawa daw dap 50 snem ha u jooh hi u snem.

Ha ka yalang da rai leh wow tyrwa cha ki chnat wow pynwandur ya ka chaap ka jylla namo ka State logo wa i sur namo Anthem ka jylla.

Share this:
Previous

Rah ka We United FC ya ka National 7 Club Championship 2021

Next

Jop ka Rising Star waka 4-Mowkaiaw United ynne ha ka T20 Open to All Cricket Tournament ka AJCA