15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Jop ka Rising Star waka 4-Mowkaiaw United ynne ha ka T20 Open to All Cricket Tournament ka AJCA

Advertisement ad1
Advertisement ad1
Advertisement ad1

Ka Rising Star waka 4-Mowkaiaw United da yoh ki yei jop ha ka lympung yalehke T20 Open to All Cricket Tournament wa da pynlai daka All Jaintia Cricket Association ha madan Jrisaleiñ, Jowai ynne ka sngi.

Ha ka yakhun wa nyngkong ynne ka sngi hapyrdi ka Rising Star wa ka Ummulong heipor 9:00 waje i step, ka Rising Star da jop ko yaka Ummulong da 48 Run. Ha kani ka yalehke ya ka kylla khlem da jop da ka Rising Star wei da jied ko wow Bat nyngkong heiwa da ye ko wow kamai 180 Run na ki 20 Over deiwa dooh ko 6 Wicket. U Dawanroy Nongpluh da kamai u 71 Run (6×4 wa 5×6) khlem haap hadooh wa kut, u Tang Kma won da ye u kamai 51 Run (6×4 wa 3×6), u Langmi Bamon wa u Redolanroy Shylla yong ka Ummulong da yoh ki wow pynhaap mar 2 Wicket samen na ki 4 Over. Ka Ummulong hawa beh yei thong da ye ko u kamai 132 Run na ki 20 Over. U Rejoice Gassah da kamai u 27 Run (5×4). U Deep Das na ka Rising Star da yoh u pynhaap 3 Wicket na ki 4 Over, katwa u Dawanroy Nongpluh won da yoh u 2 Wicket na ki 4 Over.

Advertisement ad1

Ka yakhun wa ar yong ynne ka sngi da pynman hapyrdi ka 4-Mowkaiaw United wa ka Khliehtyrshi Sports Club, heiwa ka 4-Mowkaiaw United da jop ko yaka Khliehtyrshi Sports Club. Ya ka kylla khlem da jop da ka 4-Mowkaiaw United wei da jied ko wow Bat nyngkong heiwa da kamai ko 170 Run deiwa dooh lut ya waroh ki Wicket haki 19.1 Over. U Pijush Patangia da kamai u 60 Run (3×4 wa 7×6), u Ardakirang Rymbai won da kamai u 30 Run (5×4 wa 1×6). Katwa u Rainbow Phawa wa u Conard R Sana yong ka Khliehtyrshi Sports Club da khur ki mar 3 Wicket na ki 4 Over. Ka Khliehtyrshi Sports Club hawa beh yei thong da ye ko wow kamai 141 Run na ki 20 Over deiwa dooh 8 wicket. U Conard R Sana da kamai u 55 Run (6×4 wa 4×6), katwa u Joodansoon Rymbai yong ka 4-Mowkaiaw United da khur u 5 Wicket na ki 4 Over.

Ya ka Tournament da hap wow pynsangeh chwa kattu katni sngi neidaw wa daw pynman yaka yalang yong ki dkhot yong ka Executive Committee ka Synod Mihngi ha Indoor Sports Hall, Chutwakhu ha ka 19 tarik uni u bnai.

Share this:
Previous

Ha ka yalang pynkhreh dap 50 snem ka jylla da rai wow chna ya ka State Logo wa i sur ka jylla

Next

Khlaad noh u ma Balentine War