U CEM ka KHADC u Pyniaid Sing Syiem ynne ka sngi da ong u wa ka sorkar India ye ko wow lai rah yei pynkylla ya ka Sixth Schedule ka riti synchaar ka ri ha u Khonchonglad (Nov) wow wan.
Hawa klam ynne ka sngi, Pyniaid da ong u wa katkam wa pyntip ka Home Ministry ka ri, ka sorkar NDA wa yahkhmat ka BJP ye ko wow lai rah yei pynkylla wa 125 sien ka riti synchaar ka ri ha ka dorbar synrai.
Da ong u wa ki 10 tylli ki Autonomous Council kiwa em ha ka thaaiñ North East ka ri daw lai booddien biang ki na u Home Minister ka ri, u Amit Shah ha kini ki sngi hadien wa waroh 10 tylli ki Autonomous Council dadep ki wow e kti dei thoh.
Da pyntip u leh wa ka sorkar pyrdi da thung ko ya ka Committee kawa khlieh u Montri Khynnah ka Home Ministry, u Nitin Rai wei i kaam da lai ko chakhmat.
Kam wow pynkynmmo wa ka sorkar India da pynkhreh ko wow wanrah yei pynkylla namo ka Amendment ya ka 6th Schedule yow pynboon yei em ki MDC ha ki Autonomous Council ka Meghalaya wa kiwi kiwa em ha kiwi ki ki jylla ka North East.
Discussion about this post