U Montri Rangbah ka jylla, u Conrad Sangma hawa yachem wa u Montri Rangbahdooh ka ri, u Narendra Modi ynne ha New Delhi deiwa emlang leh ki Montri sorkar deilang wa u Lamphang ka dorbar chna aiñ, da pynsñiaw u heiyatoh wa i pynkylla ya ka Sixth Schedule deiwa wanrah ya ka One Hundred and Twenty-Fifth Amendment Bill, 2019 heiwa da em kawi ka phang wa klam chaphang ka Nomination of Un-Represented Tribes cha ki Autonomous District Council ka Meghalaya namo i thung ya kiwa mihkhmat paidbah neibynta ki jaitbru ri-loom ki wym yoh ya kiwa mihkhmat hapoh ki Council.
Ha ka dorkhat wa da e cha u Modi da pynsñiaw ya ka yurim wa da yieñ ka sorkar wow pyrchah hajrong ini i Nomination of Un-Represented Tribes, wei ini toh hadien wa da leh chiboon i yaklam wa kiwa daw chah ktah na ini neibhah daw wanrah ko yei noh chiliang kiwa mihkhmat ya kiwa boon ki jaitbru ri-loom.
U Conrad da ong u wa hapoh Meghalaya da em 17 tylli ki jaitbru ri-loom wa heh wei kini leh hapoh yong ki da em ki kiwi jaitbru namo ki Sub-Tribe kiwa em 37 tylli wei lada kheiñ yeiwa da thmu wow pynboon ya ki Seat hapoh ki Autonomous District Council, manda kheiñ da chem wyw man de kawa salonsar i rukom yabhah ya kini ki Nominated Seat.
Kamtæ da ong wa ini daw wanrah ko yei wym ryngkat de i yoh ya kiwa mihkhmat neibynta kiwa boon ki jaitbru iwa ye wow wanrah yei kynaad wei daw ktah leh yei yatylli ki jaitbru lada em kiwa dooh yei hok wa da jooh yoh ki.
Chooh chooh da ong u wa ha Meghalaya da ban joor wym toh wow em ka booh bhah namo ka Reservation hawa yaleh Election wei ym em khang ya kiwon kiwon ki jaitbru ri-loom wow thap Vote namo wow yaleh Election ki.
Kamtæ hadien wa da dep ya phyllu bha wa kiwa boon, ka sorkar Meghalaya da rai ko wow pyrchah yei thung namo wow Nominate ya kiwa mihkhmat cha ki ADC.
Discussion about this post