Shillong: U Symbood Montri Rangbah ka Meghalaya, u Prestone Tynsong ynne da ong u wa i yaklam hapyrdi ki Montri Rangbah ka jylla Meghalaya wa Assam hajrong u pood u ang kini ki ar jylla u man i ha u Naitung (April) uni u snem.
U Prestone da ong u leh wa u Montri Rangbah ka Assam, u Sarbananda Sonowal da yaklam u wa u Conrad K Sangma heiwa da tyrwa wow yachem ha u Naitung.
Chooh chooh da pyntip u leh wa ya ka tarik ympu tip mynnu tangwa daw pynbna won hadien.
Kam wow pynkynmoo heini katkam wa man kattæ dang em sa kamwa 12 tylli ki thaw wa dang yaknieh namo kiwa dang kajia hapyrdi kini ki ar jylla iwa da wanrah yei thut hajrong i chongsuk ki paidbah kini ki thaw.
Discussion about this post