Shillong: U Prestone Tynsong uwa man leh u Symbood Montri Rangbah ka Meghalaya da ong u wa i khih yong u Chairman ka KHADC, u Pynshngain N Syiem cha ka Meghalaya High Court pyrchah ya i phah yong u Lat wow pynman noh ya ka Election jied Chairman wa thymme man ko katkam i sñiawthooh yong oo ya ki aiñ.
Da ong u hawa em i sñiawthooh kawa chongnia katkam ki aiñ, em ki i hok wow pynsñiaw wei ya ka rai wa khaddooh won daw e da ka yung bichaar, deiwa pynrap wa ka rai yong ka High Court ym pu toh kawa khaddooh hajrong i phah pynsangeh ya ka Election Chairman, wei daw chong bichaar biang ha ka 19 tarik uni u bnai.
Da ong u wa i pynmih hukum yong u Lat hajrong ka KHADC man ko yow wanrah biang ya ka rukom synchaar wa bait ha ka Council kawa ye u leh deiwa jied biang ya kiwa yahkhmat wei wow pynyoo yei boon paaid ha ka dorbar.
U Prestone da ong u wa ka sorkar ym ye ko du wow chong paitke ya i long i man ha KHADC, neibhah ka sorkar tip ko wa i yakhih yong ki MDC dang pteiñ ko lada ym ye u wanrah ya ka synchaar kawa bait kawa pynman ya u Lat wa ka sorkar wow tuklar hajrong ka kynrum kynram ha KHADC.
Discussion about this post