U Symbood Montri Rangbah ka jylla, u Prestone Tynsong da ong u wa ka sorkar daw khut noh ko ha uni u bnai ya ka Harijan Panchayat Committee (HPC) wow tip ya i thmu yong ki hajrong i pynwandur namo ka ‘Blueprint’ wa da pynkhreh da ka sorkar wow kyrriah noh ya ki na Them Ïewmawlong.
Kam wow kdaw heini wa u Symbod Montri Rangbah ka jylla wa pait ya ka chnat pynroi sor, u Sniawbhalang Dhar ha u bnai wa dadep da ong u wa ka chnat da thoh ko cha ka Harijan Panchayat Committee (HPC) wow jubab noh cha ka sorkar heiyatoh wa i pynwandur næ ka ‘Blueprint’ yong ki thaw sah wa da pynkhreh da ka sorkar, wei pyntip u leh wa da e por ya ka HPC wow jubab noh hapoh ka 10 tarik uni u bnai.
Hawa kylli hajrong i e por, neiliang u Prestone da ong wa hadooh katni ympu tip sakhiat da dep jubab næ ympu em, neidaw wa ya ka jubab hap wow pynpoi cha ka chnat pynroi sor.
Da ong chooh chooh u wa mar ya wan u Sniawbhalang Dhar daw khut ya ka yalang wa ka HPC wow batai ya ki rai ka sorkar wei wow ap leh iyi kwah ki wow ong.
