Shillong: Ynne ka sngi u u MLA ka NPP na Jowai, u Wailadmiki Shylla da kylli u hapoh ka yung dorbar hei yatoh wa ka thaw sumaar wa 100 palong kawa dang chna ha Panaliar, Jowai.
Heiyatoh weini u montri wa pait ya ka chait ka khiah ha ka jylla, u AL Hek da a pyntip u wa ya ka Maternity and Children Hospital (MCH) wa 100 palong ha Jowai daw wai noh ya ka ha uni u snem.
U montri da pyntip u leh wa kani ka thaw sumaar neibynta ki manbei wa ki khynnah da dep wow chna ya ka ha ka 8 tarik uni u bnai, wei daw wai noh ya ka ha uni hi u snem mar ya dep pyndap ya kiwa kreh neibhah wa hadooh katni ka sorkar ympu em u mang poisa ko neibynta wow thung ya kiwa kreh ha kani ka thaw.
Da pyntip u leh wa ki kreh wa ki kyrdan wow pyndap ha kani ka thaw em ki hadooh 152 tylli wa kynthup nadooh ka kaam Medical Superintendent hadooh ka kaam Grade IV, da ong u leh wa yeini daw leh pyn hapoh uni hi u snem yow ye noh u pynemkaam ya ka.
U Hek da pyntip u leh wa i chna ya kani ka MCH da kynjoh i chadooh ka T. 16, 00, 28, 440 (khatynru klur, arphaw phra hajar, soo spah soophaw).
Discussion about this post