Shillong: Ka sorkar jylla daw phah Test biang ko ya kitu kiwa yoh ya u COVID-19 hadien wa da pyndep ki yei sumaar wa 14 sngi, wei ini toh wow pyntikna wa lada kini ki 11 ngut da chait ki na i chitom.
Hawa yaklam wa kiwa pathai khubor ynne, u Symbood Montri Rangbah ka jylla, u Prestone Tynsong da ong u wa ka sorkar da pait bniah ko yei long i man wa i chait i khiah yong kiwa da chah ktah ha uni u khñiang. Da ong u wa hadien 14 sngi daw phah Test ya ki wei lada man ki kiwa chait daw phah Test biang ha ka sien wa ar hadien 24 kynta wei lada chem wa ym em de chitom ki, ka chnat i chait i khiah daw pynbna ko wa man ki kiwa chait.
Neiliang u Director of Health Services (DHS), u Dr. Aman War da ong u wa hanla hadooh 5 waje i janmiet ym em de kiwa dang yoh thymme ya u COVID-19 ha ka jylla, tangwa ka chnat da man ko kawa husiar wei kawa da pynkhreh.
Discussion about this post