Rai ka sorkar wa ki Civil Hospital toh u smaar lang ki ya waroh ki jait kjut

Shillong: Ka sorkar jylla ynne ka sngi da rai ko wa ki Civil Hospital kiwa em haka jylla, khamtam ka Jowai, Tura wa Shillong Civil Hospital wow sumaar ki leh ya kiwi kiwa kjut kamwa jooh, ym du ya kiwa yoh ya u khñiang COVID-19.

Hawa klam ynne ka sngi, u Symbood Montri Rangbah ka jylla, u Prestone Tynsong da pyntip u wa ka sorkar da phah ko yaka chnat i chait i khiah wow pynkrehkaam biang ya waroh ki Hospital ha ki District wow sumaar ya waroh ki jait kjut. Da ong u wa hanla ka sorkar da pynkhreh ko ya kini ki thaw wow sumaar neibynta kiwa chah ktah ha u COVID-19, tangwa hadien wa da bichaar bniah biang ka sorkar, da rai wa kini ki Hospital toh u krehkaam ki kamwa jooh man hi.