Hadien 18 snem pynchna ya u Transformer ka chnong wa em ha Ri-Bhoi

U Montri Rangbah ka jylla, u Conrad K. Sangma ynne da lai u cha ka chnong Pahamjula wa em hapoh ka Jirang Constituency, ka Ri-Bhoi District hadien wa ood kiwa chong chnong wym em wa pynchna ya u Transformer hadien wa sih la 18 snem.

Kani ka chnong toh kawa em 77 tylli ki manyung kiwa da im hei doom hadien wa sih u Transformer ki ha u snem 2007.

Hadien wa tuklar u Conrad, da pynchna ya uni u Transformer wei da yoh bordiñ hapoh 3 sngi. Hapoh i yahkhmat u MLA yong ki, u Sosthenus Sohtun da paan yarap ki na u Montri Rangbah ha ka 16 tarik ka tayaaw wa dep.

Manda poi u Conrad cha kani ka chnong, neiliang kiwa chong chnong da ong ki wa i yoh bordiñ biang ki man ko kamwa lait na dujok da boon snem.

Related posts

Kular u Montri ka chnat PHE wow pynchna ya u sarok Oorkhla wa lai cha ka thaw pynkhooid um ka Jowai

May 22, 2025

Wan kyrchaan u Ardent deilang u MDC ka War East yei yakhih kiwa kamai Truck pyrchah ya ki karkhana Coke

May 22, 2025

U Conrad hawa e yei klam da ong u wa ini i rukom chah ieh mylliñ toh i wym ye u pdiang wei kam ka sorkar toh i kaamram ko wow ap yeiwa ood yeiwa pyntip ki paidbah.

Ini i lai u Conrad man ko leh kam chibynta ka CM-Connect Impact yow ap u sñiaw yei eh i khoo ki paidbah khamtam ki chnong wa em cha kdong cha chmiang ka jylla.

U Conrad da ong u leh wa sñiawkmen u wa da yoh u wow yarap ya kani ka chnong kawa da im khlem da em Transformer la 18 snem.

Neiliang u MLA da pynsñiaw u yei sñiawngooh ya u Montri Rangbah yei wanrah yei roi i paar hapoh ka Constituency deiwa chna ya u sarok ka NEC nadooh 9 mer cha Umsan iwa da pyntbian yei por wa lut hawa lai luti.