Hadien 18 snem pynchna ya u Transformer ka chnong wa em ha Ri-Bhoi

U Montri Rangbah ka jylla, u Conrad K. Sangma ynne da lai u cha ka chnong Pahamjula wa em hapoh ka Jirang Constituency, ka Ri-Bhoi District hadien wa ood kiwa chong chnong wym em wa pynchna ya u Transformer hadien wa sih la 18 snem.

Kani ka chnong toh kawa em 77 tylli ki manyung kiwa da im hei doom hadien wa sih u Transformer ki ha u snem 2007.

Hadien wa tuklar u Conrad, da pynchna ya uni u Transformer wei da yoh bordiñ hapoh 3 sngi. Hapoh i yahkhmat u MLA yong ki, u Sosthenus Sohtun da paan yarap ki na u Montri Rangbah ha ka 16 tarik ka tayaaw wa dep.

Manda poi u Conrad cha kani ka chnong, neiliang kiwa chong chnong da ong ki wa i yoh bordiñ biang ki man ko kamwa lait na dujok da boon snem.

Related posts

Ujor FIR ka Dorbar Chnong Pamra Kmai wa chah tooh ki Pipe um JJM hapoh ka chnong

June 29, 2026

Ujor FIR u Regeenal Shylla pyrchah ya kiwa dai sarom ya oo ha Facebook

June 29, 2026

U Conrad hawa e yei klam da ong u wa ini i rukom chah ieh mylliñ toh i wym ye u pdiang wei kam ka sorkar toh i kaamram ko wow ap yeiwa ood yeiwa pyntip ki paidbah.

Ini i lai u Conrad man ko leh kam chibynta ka CM-Connect Impact yow ap u sñiaw yei eh i khoo ki paidbah khamtam ki chnong wa em cha kdong cha chmiang ka jylla.

U Conrad da ong u leh wa sñiawkmen u wa da yoh u wow yarap ya kani ka chnong kawa da im khlem da em Transformer la 18 snem.

Neiliang u MLA da pynsñiaw u yei sñiawngooh ya u Montri Rangbah yei wanrah yei roi i paar hapoh ka Constituency deiwa chna ya u sarok ka NEC nadooh 9 mer cha Umsan iwa da pyntbian yei por wa lut hawa lai luti.