U Reachingson Siangshai uwa da yaleh boon tylli ki RTI heiyatoh wa i rukom pynman Exam ka DSC ka East Jaiñtia Hills District, ha ka 13 tarik uni u bnai da yoh u wow pdiang yei jubab yong kawi na ki RTI wa da yaleh u nadooh ka 9 tarik u bnai July 2025.
Neidaw wa slem wow e jubab da u PIO ya kani ka RTI hadien wa kut ka 30 sngi wei hadien wa da lai booddien boonsien, katkam ki kyndon ka aiñ u Reachingson ha ka 8 tarik u September 2025, da booh u da ka First Appeal ha u First Appellate Authority uwa man leh u Deputy Commissioner ka District.
Neiliang u First Appellate Authority da e jubab u heiyatoh wa ini ha ka 8 tarik uni u bnai lyngba ka e-mail.
U Reachingson hawa yaklam wa kiwa thoh khubor da ong u wa em ki bynta kiwa pdiang u wei em ki bynta won ki wym ye u pdiang wei kawi na ki bynta kawa pdiang u toh yow lait u su ya iwa hap u su ya i jubab RTI wa da yoh u katkam ka Section 7 (6) yong ka aiñ RTI Act, wei ya ki bynta kiwa ym ye u pdiang daw leh u ya iwa emkaam ha kini ki sngi wow wan katkam ka aiñ RTI Act.
Ya ki jubab wa da yoh na ka RTI da ong u wa daw chimpor wow puræ bniah, kamtæ da kyrpaad u ya ki paidbah wow yaichah wei wow e por ya oo wow bichaar bniah wei daw pyntip cha ki paidbah lyngba ki laad pathai khubor ha kini ki sngi wow wan.
Discussion about this post