15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Hadien ka dorbar mang poisa daw yachem wa u montri rangbah ka Asaam yow yaklam ya u pood: Conrad

0 Comments
Advertisement ad1
Advertisement ad1

U montri rangbah ka jylla u Conrad Sangma hawa yaklam wa ki laad pathai khubor ynne ka sngi da ong u wa da dep yaklam u wa u montri rangbah ka Assam heiyatoh wa i jia ha khappood ki ar jylla khamtam iwa jia ini wa dep ha Umwali heiwa da mih i kajia neidaw wa thmu ka Assam wow booh Police Outpost, wei heiyatoh wa ini da ong u wa ka Assam leh da jhan ko wow yaklam wei daw pynbait tarik hadien wa kut ka dorbar mang poisa ka Meghalaya.

U Conrad da pyntip u leh wa ka sorkar jylla booddien bha ko ya kani ka kaam wei da paan yutip ko man ka kynta heiwa deilang wa u montri ka kaam pohyung ynnin hadooh 11 waje i miet leh dang yaklam ya kani ka kaam.

Da ong u leh wa katkam wa man kattæ da man ko kawa jai jai wei da phah leh ya ki DG ki pulit ki ar jylla wym toh u e laad wow heh chooh chooh kani ka kaam.

Chooh chooh da pyntip u wa da em iwa poi boon ki boon ngut ki pulit ka Assam wei neiliang ki pulit ka Meghalaya leh da emlang ki ha ini i thaw.

Heiyatoh wa da phah ka Assam da ki chipai, u Conrad da ong u wa ka Assam ym em phah ko da ki chipai wei neiliang ki Chief Secretary wa ki DG ki ar jylla da chem ki wa ym em phah ya ki chipai wei ki chipai wa em toh kiwa lai luti i yong ki hi ki kaam wei ym em yatoh wa i kajia pood.

Share this:
Previous

Hadooh 8 tylli ki takma yoh ka WJH ha ka yalehke Wushu haka Meghalaya Games

Next

Phah sylli ka sorkar yei chait ki waroh wa wan na ki 10 ri chapoh India