Hadien ka Election MP u kem ya u Rahul Gandhi, ong u Montri Rangbah ka Assam

U Montri Rangbah ka Assam, u Himanta Biswa Sarma da ong wa daw kem ya uwa yahkhmat ka Congress, u Rahul Gandhi hadien wa kut ka Election MP cha ka Lok Sabha.

Yeini da ong u heiyatoh wa i mih i kulmar haka 23 tarik heipor wa wan ka Bharat Jodo Nyay Yatra ha Guwahati heiwa da emlang leh u Rahul Gandhi.

U Himanta da ong u wa daw kem ya u Rahul hadien ka Election wei da dep leh wow Register Case pyrchah ya oo heiwa da thung leh da ka Special Investigation Team (SIT) ka wow takit yeini.

Da ong u leh wa lada kem ya oo kattæ daw ong ki bru wa leh Politics tangwa ym em khuslai neibhah ka BJP u jop hi ko ha Assam wei ym emkaam wow leh jhan ya iwa daw ye u ktah yei suk i saaiñ.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

U Himanta da pynbaad u ya u Rahul wa pynchongchit u ya ki paidbah wow tympra ya iwa da booh da ki pulit yow kær deiwa ong wa ini waroh embhah ym em yah i cha kiwi ki kaam wa rap heh wei i thmu ki toh yow wan pynkulmar hapoh Assam tangwa ka sorkar ym em e laad ko yeini.

“Hawa wan cha ka jylla kam ki bru wa na baar emkaam wow bood ya ki kyndon wa da booh da ka sorkar jylla tangwa da ong ki wa da khang wow psiah ki chapoh ka jylla tangwa ym em wa khang ki u lai luti na Guwahati wei kammon lai ki cha Barpeta na Nagaon dei hær ki da u Rocket mo?” da ong u Himanta.

Da pynche chooh chooh u wa da dep pynkhreh yaka luti wow lai ki ha Guwahati tangwa ym em lai ki cha ka Bhupen Hazarika Samadhi Kshetra wa kiwi ki thaw mane.

“Ha katu ka sngi ka Congress da awri ki yow chah ki u lai u Rahul Gandhi cha Batadrava Than tangwa ym em lai ki cha Bhupen Hazarika Samdhi Kshetra ha Guwahati. Lai u na Hajo kawa em ka Poa Mecca waka Hayagrib Madhab tangwa ym em sangeh u heini tan chi minit leh,” da ong u Himanta.

Kamtæ da ong u wa lada burom u ya u Sankardeva toh u lai u cha Barpeta Satra kawa da seiñ da u Patbaushu Satra kawa em hei luti wa lai u.

U Rahul Gandhi hawa klam u hakhmat ki paidbah da ong u wa u Montri Rangbah ka Assam toh uwa chah pynlai ha u Remote Control wa ksoh ha kti u Prime Minister, u Narendra Modi wa ha u Home Minister, u Amit Shah wei haka sngi wa nood u Himanta u klam neibynta iwa emkaam ki paidbah daw chah noh u cha rood.