Ki pulit ka Mumbai da kem ki ya u bru uwa 39 snem i rta uwa na Pune hadien wa saam dawai kuli u kiwa chna deiwa pynemkaam da i Zinc Phosphide iwa man kam i bih khne.
Ya kini ki dawai kuli da saam cha ki paidbah wa chimbynta ha ka Muharram ha Byculla ha ka tayaaw wa dep.
Uni u bru da wan u cha Mumbai kawa ar tayaaw chwa wei da sah u ha iwi i Hotel ka thaaiñ Dongri wei manda psiah ki pulit hei kamra sah u da chem ki 50 Kg i Zinc Phosphide, 30,000 tylli ki dawai kuli ki wym pu em pyndap wa 15,000 tylli won kiwa dadep pyndap da ini i bih.
Uni u bru da tip pyrtuid kam u Fayyaz Premji wei da phla u wa i thmu u toh wow saam yeini i dawai bih cha kiwa lai Muharram yow yap hadooh 15,000 ngut ki bru.
U Fayyaz da chah kem u pyn heipor wa saam u ya kini ki dawai kuli hawa em ka Muharram Procession ha Mumbai ha ka 26 tarik hadien wa em ki Volunteer kiwa suba oo nei rukom man u wei kiwa dih yei dawai wa e u da chitom ki.
Hawa saam u yeini i dawai da ong u cha ki bru wa toh i Painkiller yow yarap ya ki hawa lai Procession.
I takit ki pulit da chem wa u Fayyaz nadooh u snem snem 2019 hadooh u 2025 da lai u 19 sien cha Iran heiwa ka bei wa ka diah u sah ki ha katai ka ri wei da jooh lai u leh cha Iraq.
Ka takit dang lai ko leh chakhmat yow chem lada emkti kiwa na baar ri ha ini wa jia.
Discussion about this post