Uwi u bru waheh da dooh nooh u yei mynsien katwa dang kaap u cha chiliang u sarokbah ha Nongpoh, Ri-Bhoi District.
Uni u bru toh uwa tip pyrtuid kam u Chistopher Diengdoh uwa na Nongpoh, wei da khlaad u pyn ha ini i thaw wa jia wei da suba wa ka kari wa pynhær bha hadien wa tyrrah da yut ko khlem sangeh.
Ini da jia i ynne i miet heipor kamwa 7:30-8:00 waje.
Neiliang ki pulit dapoi ki wut-wut cha ini i thaw yow pynman yei takit wei da pynkit noh ki yei metyap cha Nongpoh Civil Hospital yow pyndep yeiwa emkaam katkam ka aiñ.
Katkam ka khubor wa da yoh, ym em kiwon kiwon kiwa yoo yeini wa jia, tangwa ki pulit da suba ki wa ye u man wa toh ka Truck kawa pynhær bha wei ym em sangeh ko hadien wa tyrrah ya uni u bru.
Hadien wa jia ini, ki pulit na Nongpoh da phah khubor ki wut-wut cha kiwi won ki Police Station yow pynman yei kynreh khnang yow yoh ksoh ya kani ka kari.
Discussion about this post