U Montri wa pait ya ki kaam pohyung ka jylla, u Lahkmen Rymbui da khana u wa nadooh u snem 2018 hadooh u Naisaphra 2021, da em 16,400 ngut ki bar jylla wa 116 ngut ki nong Bangladesh wa da yoh ksoh na ki 30 tylli ki khyrdop kynreh baar jylla kiwa em ha ka jylla.
Hawa jubab yeiwa kylli u MLA ka Congress, u Winnerson D Sangma ynne ka sngi ha ka Dorbar, u Lahkmen da ong u wa ya ki bru kiwa ymbiang ki kot ki sla kiwa wan na kiwi ki jylla, da pynuiñ lut ya ki waroh cha Assam, katwa ya kiwa wan psiah tooh na Bangladesh 72 ngut da phah liwan ya ki kat 44 ngut da chah kset patok ki.
Da ong u wa ki kyrdop kynreh baar jylla hapoh Meghalaya kynthup ki ya kawa ha East Jaiñtia 3 tylli, West Jaiñtia 2, Ri-Bhoi 4, East Khasi Hills 3, West Khasi 2, South West Khasi 1, East Garo 2, West Garo 1, North Garo 3, South West Garo 1 wa South Garo Hills 8 tylli.
