Hadooh 5 tylli ki khloo ka JHADC wa da chah kyntoor pood: Lasky Rymbai

Jowai: U EM wa pait ya ka chnat khloo ka JHADC, u Lasky Rymbai da pyntip u wa em 18 tylli ki Protected Forest namo ki khloo hapoh ka Council wei yeini da jubab u yeiwa kylli u Krison Langstang ynne ka sngi ha ka Dorbar L’yur (Summer Session ka Council).

Heiyatoh wa ini neiliang u Krison da kylli chooh u heiwa na kini katwon tylli ki khloo wa da chah kyntoor pood, neiliang u Lasky da pyntip u wa hadooh katni da em 5 tylli ki khloo wa da chah kyntoor pood. 

U Lakhon Biam da kylli chooh chooh u wa kammon wei la katwon tylli ki Land Holding wa da e ka JHADC wa yabi/yakyntoor pood ha kini ki khloo, wei neiliang u Lasky da pyntip u wa daw phah leh biang ya ka sorjamin (Survey) hajrong kini ki khloo wow chem yeiwa sakhiat.

Heiyatoh wa kani ka chnat, u Krison da kylli u wa neiyi i daw wa slem wow pynmih ya ka Forest Policy wa ka Forest Act ka Council, wei neiliang u Lasky da pyntip u wa dang pynkhreh ya kani ka aiñ wei daw ekti ya ka cha ka Committee wei i daw wa slem wow pyndep ya ka toh neidaw wa haap bood leh ya ki kyndon i rukom im ka jaitbru namo ki Customary Law ka Ri-loom Jaiñtia. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u Andrew Shullai da kylli u yei pyrtuid kani ka Committe wei u Lasky da khana u wa i pyrtuid yong ka toh ka Forest Policy Committee.