Hadooh ka 30 tarik u pteiñ i khang chnong ha Meghalaya

Shillong: Ka sorkar jylla Meghalaya ynnne ka sngi da rai ko wow khang chwa ya i psiah i mih hapyrdi ki District kiwa em ha ka jylla hadooh wow bichaar biang ya i long i man hadooh ka 30 tarik uni u bnai.

Hawa pyntip ya kani ka rai, neiliang u Symbood Montri Rangbah, u Prestone Tynsong da ong u wa ka sorkar da chim ko ya kani ka rai wym kheiñstiñ nei chah ktah ha u khñiang Coronavirus, tangwa da pyntip u wa ka sorkar da rai ko wow pynlait du ya kiwa mylla kiwa toh na ka jylla kiwa em katni ha ki thaw sah wa da pynkhreh chipor da ka sorkar wow lai liwan cha ki yung ki sem hapoh ka jylla, wei ya ini da ekti ha ka chnat Transport wow pynpoi ya kini ki bru.

Heiyatoh wa i psiah i mih na baar ka jylla, u Tynsong da ong u wa ka sorkar jylla da khang lut ya waroh ki khyrdop wa psiah u mih cha kani ka jylla.

Ka yalang ka sorkar ynne ka sngi da rai ko wow pyndam noh ya ka rai kawa nachwa wow chah ya ki kari samen wow lai wei da chim da ka rai kawa thymme wow pteiñ u khang chwa ya waroh ki kari samen wa ki kari kamai hadooh wa kut uni u bnai wei wow rap pynrkhiñ leh ha ki thaw sor kam ha Shillong, Jowai, Tura, Nongstoin wa kiwi.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

U Symbood Montri Rangbah, u Prestone Tynsong da ong u wa kani ka rai toh hadien wa da yoh ya ka yutip na ki Deputy Commissioner wa i long i man ym pu man wow pynlait lut ya ki kari.

Katwa ha ki thaw nongkyndong, da ekti ha i pait ki Deputy Commissioner wow pait ki ya i long i man.

U Prestone da ong u wa da pynkylla leh ya ka rai ka sorkar nachwa wow wai ya ki yaw chisien chi tayaw. Heiwa ynne ka sngi da rai wow chah u wai du ya kitu ki yaw chnong kiwa man du ha ki thaw nongkyndong, tangwa ki paidbah toh u bood bait ki yei yajngai i wym duna ya ka 1 Metre uwi na uwi hawa pynman ya ka yaw.

Hawa yatoh wa ki karkhana, kam ki karkhana pynmih khyndaw-bilat, wa kiwi, ka sorkar da phah ko yaka chnat karkhana ka jylla wow pynkhreh ya iwa emkaam, wow thooh ya ki wakreh yow tip kiwon kiwa wan na baar lane kiwa toh kiwa na kani ka jylla chwa wa ka sorkar u ye ko u leh ya iwa emkaam yow chah lane ym chah wow wai, neibha wa lada toh kiwa wanrah na baar ym chah wow wai hadooh ka 30 tarik uni u bnai.

Kawi won wa ka rai ka sorkar toh wow chah ya ki wakreh sorkar wow wan kreh cha ophis du hapoh 50% nadooh mynstep ka sngi wei daw bichaar bniah biang won ya ini mynstep.