Hadooh katni em ki warep ki wym pu dep u thung kba ha hali nei pyndik ki Karbi: Damien S War

U Vice President ka Synjuk Waheh Chnong Ri Jaiñtia, u Damien S War da ong u wa hadien wa yoo yei chah thombor ki paidbah ka chnong Lapangap, West Jaiñtia Hills, ka synjuk chirup wa ki seiñbhalang ha ka 27 tarik da yachem ki wa u Deputy Chief Minister ka jylla, u Prestone Tynsong.

Da ong u wa neiliang ka sorkar da kular ko wow em ka Police Outpost ha ka chnong tangwa hadooh kattæ khlem suk nood da lai pait u ya ki pynthor ki hali ha Lapangap wei da chem wa ki hali man ki kiwa thylli kiwa langam neibhah ki paidbah ka Lapangap ym nood ki wow lai cha ki hali.

U Damien da ong u wa da yoh u yaklam wa ki kattu katni ki warep heiwa da khana ki wa ym nood ki wow lai cha ki hali khamtam ha ki bynta wa mih i awri wei dang em leh kiwa hadooh katni ympu yoh u thung ya u kba ha kini ki thaw rep wa pynmih awri ki Karbi.

Hajrong ini da kyrpaad u ya ka sorkar wow chimkhia yeini deiwa booh ya ka Police Outpost ha ki hali wa awri khnang wow chngaaiñ ki warep.

Related posts

Ngooid ka wah Ganga ya i Mandir wa 150 snem ha West Bengal

September 8, 2026

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Chooh chooh da ong u leh wa katni hanla em ki pulit ha chnong Lapangap kiwa sah ha yung skur, da pynthut i ya ki khynnah wa lai skur wow pyndep yei puræ (Course) yong ki.

Da ong u leh wa ya ki pulit ymtoh u booh ha chnong Lapangap wym em i awri tangwa toh u booh ha ki hali wa chah pynthut ki paidbah wa ki warep na ka chnong Lapangap.