I pynlut ka BJP ha ki Assembly Election ha u 2026 da kynjoh i cha ka Rs. 529.38 klur ha ki soo jylla, kitæ ka Assam, Tamil Nadu, Puducherry, Kerala wa West Bengal wei ini toh katkam ka yukheiñ wa e cha ka Election Commission.
Palat chiteiñ na kani ka poisa toh wa da pynlut du ha West Bengal donhi.
Ha West Bengal samen ka BJP da pynlut ko Rs. 286.99 klur. Na kani, Rs 217.16 klur toh neibynta wow khana ya ki thong ka Party (Party Propaganda), katwa Rs. 69.83 klur toh kiwa yatoh wa ki kyrtong.
Kani ka poisa toh kawa da pynlut da ka State Unit, Central Headquarter, District Level wa kiwi.
Ka Party da pynlut ko leh Rs 58.80 klur neibynta ki kyrtong kamjooh kamwa Rs. 6.09 klur ya ki yalang paidbah wa ki Rally.
Ka BJP Headquarter da pynlut ko leh Rs. 51.50 klur neibynta i lai i wan ki Star Campaigners, nadooh ki Airplane wa Helicopter.
Kamwa Rs. 55.76 klur won neibynta ki Advertisement.
Ha ka Election MLA ha Assam ka BJP da pynlut ko Rs. 96.27 klur, heiwa na kani Rs. 76.73 klur toh neibynta wow khana ya ki thong ka Party, ka Rs. 19.54 klur ya ki kyrtong wa kiwi.
Ha Kerala da pynlut ko Rs 82.67 klur.
Discussion about this post