15 49.0138 8.38624 1 0 4000 1 https://wyrta.com 300 0
Advertisement ad1

Hadooh ynne kamwa 3000 wa kwah u psiah hei thaw 560 tylli ki chuki ha KNGC
Mih i klumar haka sngi wa ar wow thap form

0 Comments

Jowai : Kamwa jooh man hi khlieh u snem ha Kiang Nangbah Govt. College, Jowai hadien wa mih ki result ki class 10 næ ka SSLC wa 12 (HSSLC) ha uni u snem leh da wan yaknieh chim form chynrang wa kynthai wa kamjooh leh u thap ya ki form yow yohlaad u yoh thaw puræ hadooh wa da dap lut ka college waroh chisngi nadooh ynnin.

kngcadm5

Heini i yaknieh chim form da mih boon i ya khujai khungiat ha pyrdi kiwa boon ki khynnah wa tieñ ya dooh thaw puræ ki wei u ang (line) da haap kiwa kreh ka college u pynchna hadooh le soo sien, uwa pra ma pra neidaw wa tieñ ki khynnah ya dooh ki u thap form.

kngcadm2

kngcadm

Kini ki khynnah da em kiwa yang nadooh ipor 10 waje i step hadooh i janmiet iwa da pynchrai pynkusa yaki khynnah.

Da chem leh ya kawi ka manbei kawa haap u yang neibhah wa da khaitlot wei yaplær ka khon ko kawa da yieñ nadooh i step.

Katkam ka khubor wa yoh na ka Principal ka college ka kong J. Lyngdoh da ong ko wa nadooh ynnin ka 25 tarik  hadooh ynne ka 26 tarik kiwa chim form wa kiwa pyndap form hadooh ynne chiteiñ sngi haki class manki kamni hawah :

Haka class 11 (Arts) Day Section da wanki kamwa 800 ngut katwa ye u pdiang u 150

Haka class 11 (Arts) Morning Section da wanki kamwa 550 ngut katwa ye u pdiang u 250

Haka class 11 (Science) da wanki kamwa 300 ngut katwa ye u pdiang u 100

Haka class 11 (Commerce) da wanki kamwa 500 ngut katwa ye u pdiang u 60

Heijooh ipor haka BA em hadooh 820 tylli ki chuki wa lait iwa kynthup ya 420 haka morning shift wa 420 ka day shift katwa dawan thap hadooh ynne chiteiñ sngi du kamwa 600 ngut.

kngcadm3

kngcadm4

kngcadm6

kngcadm7

kngcadm1

Da pyntip leh wa ympu ye u pyntip yaka sngi khaddooh wow pdiang yaki form neibhah katdang mih ki sngi dang boon ki khynnah wa wan thap pyrtuid.

Advertisement ad1

0 Comments

Leave a Reply