Hanla u pynman ya ka National Games ha Meghalaya daw hap e bhah leh ya kiwi ki jylla ka NE

Ka Meghalaya hanla daw man ko kam ka jylla wa pdiang yow pynman ya ka 39th National Games ha u 2027, tangwa waroh ki jait yalehke ym pynman ki hapoh ka jylla.

Hawa pynche yeini, neiliang u Montri ka chnat yalehke, u Shakliar Warjri da ong wa ka sorkar pyrdi da phah ko ya ka Meghalaya wow pyntikna ko wa waroh ki jylla ka North East u yoh ki kawi ka jait yalehke wow pynman hapoh ka jylla ki.

U Shakliar da kyntait u wa ini da jia i neidaw wym biang ki thaw yalehke hapoh ka Meghalaya tangwa da hap wow leh yeini neidaw wa phah ka sorkar pyrdi. Da ong u leh i kreh ya kiwa boon ki thaw yalehke nadooh ki Indoor Stadium wa ki Football Stadium toh kiwa da lai chakhmat wei kiwi kiwa boon toh kiwa dadep i kreh.

Da ong u leh wa ka Sports Authority of India (SAI) ye ko wow hap u pynman ki yalehke iwa chong katkam wa emkaam wei da thung ki Committee wow jied ya ki yalehke wa daw pynman cha kiwi ki jylla.

Related posts

Sñiawngooh ka Dorbar Chnong Mynsngat ya u Sniawbhalang Dhar

July 5, 2025

Pynkup burom ka NPYF ka NPP Nartiang ya ki 41 ngut kiwa lehbha ha ka SSLC wa HSSLC

July 5, 2025

Yeini leh toh iwa dadep pynbna wow leh kamni heipor wa pynkut ya ka 38^th National Games ynnin u snem.