Jowai: U montri rangbah ka jylla, u Conrad K. Sangma ynnin ha Rymbai, East Jaiñtia Hills da ong u wa i khang wow tih mooyong hapoh ka jylla da ktah joor i ya ka khayi pateiñ ki paidbah kamjooh leh i yoh dan ka sorkar jylla na uni u mar poh khyndaw.
Da ong u wa kam u MP da yaklam u hapoh Parliament hajrong ini i khang mooyong wei da yachem u leh ya u montri rangbahdooh ka ri, u Narendra Modi la ar le sien wa ya u montri wa pait ya u mooyong hapoh ka ri da palat khatsan sien wow yaklam hajrong ini.
“Yooluti O wa ym slem de daw wai biang ya i tih mooyong tangwa emkaam won wow yada ya ka rymaw, ki mrad wei ya kiwa kreh namo tih mooyong,” da ong u Conrad deiwa pynksan yeini deiwa ong wa toh i kaamram yong i wow yada ya ka rymaw.
Da ong u wa emkaam wow pyrkhat ya ka mynried mankawi neibhah u mooyong ym neh rta u, katwa kamtæ emkaam wow thooh leh da kiwi ki laad kamai neibhah ka sorkar ymye ko wow e kreh ya waroh tangwa ye ko wow wai ki luti wow seiñkhih.
Discussion about this post