Hap chong Helicopter u Lat ka Manipur 6 Km hadien wa dawa paan maap ki paidbah

U Lat ka Manipur, u Ajay Kumar Bhalla ynnin ka sngi da hap u wow pynemkaam da ka Helicopter ki chipai namo ka Army Helicopter na Imphal Airport yow lai cha Raj Bhavan iwa jngai du 6 Km hadien wa ki paidbah da pynman yakhih ki deiwa khang ya ka luti.

Ki dkhot ka Co-Ordination Committee on Manipur Integrity (COCOMI) da pynman yakhih ki wow dawa ya u Lat wow hiar chuki lada ym paan maap u tangwa da ong ki wym em khang ki ya ka luti tangwa dei yang donhi ya oo yow pynyoo yeiwa sñiaw ki.

I yakhih toh hajrong iwa da jia ha ka 20 tarik uni u bnai heiwa ki CRPF da phah ki ya kiwa thoh khubor wow khoh yei pyrtuid wa da thoh ‘Manipur’ ha ka Bus wa pynkemkaam kiwa thoh khubor kawa man leh ka yong ka Manipur State Transport.

Kani ka Bus toh kawa kit ya kiwa thoh khubor kiwa na Imphal kiwa da mut wow lai cha ka Shirui Lily Festival ha ka Ukhrul District wa em kiwa boon ki Naga kam kiwa chong chnong.

Related posts

Khyrngiat u DC yei em 560 tylli ki kreh wa lait ha West Jaiñtia Hills District: HITO Jowai Circle

May 28, 2025

Pynhaap ka DMO ya ki chong Pnar chapoh ka West Karbi Anglong, lai paan pynche ka PSM

May 28, 2025

U Lat ynnin ka sngi dang liwan u na New Delhi cha Imphal tangwa manda poi u ha Airport da kit noh ya oo da ka Helicopter heiwa da pynhiar oo ha Kangal Fort kawa jngai du kamwa 300m na ka Raj Bhavan.

Kiwa yakhih da chrai ki yeini wa chah phah khloh yei pyrtuid ka Manipur na kani ka Bus iwa man kamwa kwah wow tympiah ya ka Manipur.

Ka Manipur kattæ toh kawa dang em hapoh ka Presisent Rule nadooh u February uni u snem hadien wa hiar chuki u N. Biren Singh kam u Chief Minister uwa da yachem leh wa u Lat ynne i janmiet heiyatoh wa ini wa jia hapoh ka Manipur yow e buit kammon wow leh yow pynlait nei yakhih.