Hap em waroh ki ktien hapoh ka State Anthem, ong ka President ka seiñ manbei ka BJP

Ka President ka seiñ manbei namo ka Mahila Morcha ka BJP Meghalaya, ka Susuki Pariat da pynsñiaw ko yei sñiawsih wa khlem da kynthup lang ya ka ktien kiwa napoh Ri-loom Jaiñtia hapoh ka Meghalaya State Anthem.

Da ong ko wa yeini da klam leh da u Montri sorkar ka BJP, u A.L. Hek hapoh ka yachem lang ki Montri sorkar wym sñiaw yahaap u khlem da emlang wa i ktien kiwa na Jaiñtia hapoh ka rwai ka jylla tangwa ym em wa ap ya oo.

Da ong ko wa ya ka Meghalaya da phiah ha ki le bynta, kitæ ka Khasi Hills, Jaiñtia Hills wa Garo Hills wei i rwai leh toh u emlang i ktien yong waroh ki le jaitbru.

Chooh chooh da ong wa ha Khasi Hills da klam boon ki jait ktien kam i ktien War, Maram, Bhoi wa kiwi de wei ka ktien Khasi man ko ka ktien bei yong kitu kiwa ki jait ktien.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Wei ini leh man ko i jooh ha Jaiñtia Hills heiwa da em leh ka ktien War, wa i rukom klam waphær na iwi i thaw cha iwi i thaw nadooh Sutnga, Wahiajer, Sutnga, Shangpung kiwa da pynemkaam dei ktien Pnar.

Da kdaw ko cha Garo leh man ko i jooh la ha Tura næ Williamnagar, kamtæ emkaam wow burom yeini.