U Symbood Montri Rangbah ka jylla uwa pait ya ka chnat pulit (Home), u Prestone Tynsong da lai hiar u cha ka thaw wa oor khyndaw ha Rngaiñ, hadien wa katai ka thaw da oor ko ynnin i janmiet heiwa da chah ban leh 2 tylli ki kari heiwa da em arngut ki bru kiwa em hapoh kawi ka ri Datsun Redi Go.
U Prestone da ong u wa kat wym pu yoh u yoh u sai ya kini ki 2 ngut kiwa chah tlep ha katai ka thaw, ym pu ye wow pynkhooid ya katai ka surok neibhah lada ktah ya u sarok daw wanrah i maa ya kiwa em cha tre uni u riat. Da khana u wa ya katni da em hadooh 50 ngut ki bru kiwa em chapoh uni u riat wa kynthup ya ki Rescue Team yong ka sorkar wa kiwa krehkaam chnong wow thooh ya kini ki arngut.
U Prestone uwa man leh u Montri ka chnat PWD (Roads) da pyntip u wa mynstep ka sngi daw wan poi ki bru chemphang (Expert) hei chna sarok yow pait bniah yei long i man i thaw wa ya i khyndaw khnang wym jia de kam ini i oor khyndaw neini chakhmat.
Da ong chooh chooh u wa neiliang ka sorkar daw pyrchang ko wow kreh borbah yow pynkhooid ya katai ka sarok neibhah da ktah yei lai i wan, tangwa iwa hakhmat toh yow sai chwa ya kiwa chah ban.
